Chopy, co z Wami je niy richtich?

Pŏra dni do zadku suchoł żech w radyju, jak Grzegorz Franki gŏdoł, czamu przestoł być prezesym Ślōnskij Partyje Regiōnalnyj. Pedzioł, że o swojij decyzyji poinformowoł ekskamrata bez wiadōmość SMS. Franki spokopiōł, że we ŚPR tak naprŏwda to nic sie niy dzioło, ludzie to niy byli fachmōny, a Mercik piyrszy poszoł weg, bo nic niy robiōł. Tego było za wiela i bestōż Franki poszoł nazŏd do PO.

Jŏ doprŏwdy niy wiym, co ze Ślōnzŏkami je niy richtich, że ani pogŏdać ze sobōm nie poradzōm jak majoryntni ludzie. Czamu tak je, że ôni – lidery ôskarżajom sie, że jedyn drugigo cygani i fanzŏli gupoty? Dyć ôni ani bez telefōn niy gŏdali!

Przeczytoł żech kedyś tako ksiōnżka “Liderzy jedzą na końcu”. Fajnŏ była, fest mōndrŏ. Gŏdała ô tym, jaki sztajger abo majster powinni być do inkszych arbajciōrzy. Chop napisoł tyż, że amerykōńske politykery sōm blank inksi, jak lidery. I to je prŏwda, nasi tyż sōm inksi – i ślōnscy i polscy. Ôni niy zachowujōm sie jak lidery, kerym bydymy dufać… Kożdy, kery chciołby rzōńdzić na Ślōnsku niych poczytŏ ta ksiōnżka. Jŏ mu ja życzna.

Durś sie mie ftoś pytŏ, czamu jŏ niy zapisza sie do jakiś partyje abo ôrganizacyje… Jo Wōm terŏzki powiym – jŏ na to siyły niy mōm, jak widza co na naszym placu sie dzieje. Tukej na mojij zajcie pisza, co mocka ludzi czytŏ. I mie to starczŏ. A przijdzie taki czas, kedy w naszym hajmacie byda rzōńdzić.

A to żech napisoł, coby pokŏzać, że jŏ po naszymu tyż poradza.

Korekta tekstu: Grzegorz Kulik

Poczytaj także

Czy Śląska Partia Regionalna jest szansą na dobrą reprezentację naszych interesów?
1 Star2 Stars3 Stars4 Stars5 Stars (6 votes, average: 5,00 out of 5)

4 komentarze

  • Henryk Mościbrodzki napisał(a):

    Podziwiam za odwagę pisania po Śląsku. Mam nadzieję, że dzięki między innymi takim osobą jak chociażby Grzegorz Kulik, Mirosław Syniawa, etc., pisanie po śląsku stanie się codziennością.

  • Henryk Mościbrodzki napisał(a):

    Myślę, że jest cóż na rzeczy, i w interesie Śląska jest, żeby tzw. prawda obiektywna ujrzała “światło dzienne”. Mam wrażenie, że Grzegorz Franki, dyplomatycznie unika powiedzenia tego, co naprawdę było przyczyną jego rezygnacji z dalszego uczestnictwa w realizacji projektu pt. Śląska Partia Regionalna.

  • Henryk Mościbrodzki napisał(a):

    Trochę za długo żyję na tym świecie, żebym uwierzył w to co aktualnie powiedział PUBLICZNIE Grzegorz Franki. Mnie bardziej interesuje to czego prezes Związku Górnośląskiego nie powiedział, i dlaczego nie powiedział.

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *