Kożdego polskigo polityka wyciepołbych raus do Araberōw i Rusōw

Jo bych tych polityków, kerzi gŏdajōm – ôd ludzi my sōm i Polsce ino przajymy – na sztyry strōny świata raus wygōnioł. Ino ze rajzyntasiōm, flaszkōm wody i korōnkōm, co by do swojigo Pōnbōczka porzykać mogli, jak śniŏdać niy bydōm co mieli, abo cliwić sie im bydzie. Co by Araberōw, Rusōw, Niymcōw i Murzinōw ô szolka wody i sznitka chleba prosić musieli.

-

Ftoś kedyś pedzioł, że fto rajzuje tyn dwa razy żyje. Jo sie z tym nie zgodzōm, bo życie mōmy ino jedno, aji jak kożdy kraj ôdwiydzymy. Niy znōm czowieka, kery świŏt widzioł, a nacjōnalistōm ôstoł. Tak sie niy do – przŏć swojij nacyje, z inkszymi przi jednym stole jeś, a pluć im do talyrza.

Durś myśla, czamu my tacy gupi sōm, iże wmōwić my sie dali, co sōm my lepsi ôd inkszych. Ślōnzŏki ôd Polŏkōw, Polŏki ôd Niymcōw i cołkiego świata przi okazji. Fto by pōmyśloł, iże ślōnsko nacyjo, kero szrajbować po swojimu niy poradzi coś mŏ znaczyć we świecie? Abo te Polŏki, co biydnego Pōnbōczka za szimel stŏwiajōm, a sami durś cyganiōm i ô swoji gyszefty ino sie starajōm?

Jo bych tych politykōw, kerzi gŏdajōm – ôd ludzi my sōm i Polsce ino przajymy – na sztyry strōny świata raus wygōnioł. Ino ze rajzyntasiōm, flaszkōm wody i korōnkōm, co by do swojigo Pōnbōczka porzykać mogli, jak śniŏdać niy bydōm co mieli, abo cliwić sie im bydzie. Co by Araberōw, Rusōw, Niymcōw i Murzinōw ô szolka wody i sznitka chleba prosić musieli. Ja, ôwdy kożdy ze Polŏkōw pod jednym dachym z tymi, kerymi gardzi – miyszkać bydzie, aż na włŏsnych szłapach do włŏsnyj chałpy wrōci.

Kożdy jedyn polityk raus pōdzie, do tych Allahōw, kerzi skuli Krystusa łeb utnōm. Abo do Rusōw i Niymcōw, kerzi Polŏka za nic majōm. Kożdy jedyn stōnie przed nami i zdŏ świŏdectwo. Jak uczyń przed rechtorym, jak bajtel przed ôjcym – kożdy jedyn bydzie stoł i gŏdoł co widzioł, fto go karmiōł, kaj społ, z kim gŏdoł. Jak we suchatelnicy. Aż nacjōnalizm i cygaństwo z kożdego wyjdzie.

Kożdy tyn co myśli, iże czelŏdkōm ôd Pōnbōczka na ziymi je – pōdzie raus. Tyż tyn, kery politykiem a inkszym urzyndnikiem je, a swōj fach z kapelōnkem i farŏrzym chybnōł.

Tukej znojdziesz wiyncyj mojich tekstōw po naszymu

1 Star2 Stars3 Stars4 Stars5 Stars (8 votes, average: 5,00 out of 5)
Loading...
Łukasz Tudzierzhttps://tuudi.net
Ślązak, felietonista, taternik. Od 2006 roku opisuję i komentuję Górny Śląsk. Mieszkam w Katowicach, pochodzę z Łazisk Górnych. Kocham Śląsk.

6 KOMENTARZE

  1. “Niy znōm czowieka, kery świŏt widzioł, a nacjōnalistōm ôstoł.” – generalnie to prawda, ale Polak potrafi: nie słyszałeś o Cejrowskim? Uprzedzając następne podejście: wykształcenie wyższe też nie pomaga na uprzedzenia i fanatyzm.

  2. Nie tylko o Cejrowskim. Jest taki rosyjski pisarz, ze wspolczesnych rosyjskich pisarzy chyba doczekal sie najwiekszych wydan swych powiesci na zachodzie i mieszkal przez lata we Francji. To Eduard Limonow, Ultra-nacjonalista. Co powiedzec o Dmowskim albo gen. De Gaulle? Rudolf Hess, zastepca Hitlera w NSDAP urodzil sie i Po czesci wychowal w Egipcie (Aleksandria), to samo Joachim von Ribbentrop. Alfred Rosenberg (szereg NSDAP podczas uwiezienia Hitlera) wychowywal sie w Rosji.

    Ja sam bardziej jestem nacjonalista teraz, gdy mieszkam w Australii.

    A co powiecie, Panie i Panowie, o Zydach? Nie nacjonalisci moze, choc gros ich mieszka poza Izraelem…

    No i co teraz?

  3. Niestety wszelkie formy totalitaryzmu rodzą się z frustracji biedy i rozwarstwień społecznych . Jeśli się spojrzy na państwa gdzie społeczeństwo nie jest zróżnicowane / nie chodzi mi o narodowość / to społeczeństwu tak naprawdę nie opłaca się robić dużych zmian . Spójrzcie na Skandynawię , Kanadę , Szwajcarię itp . Raczej nie słychać o jakichś dziwnych sytuacjach .

  4. Jak idzie o Cejrowskiego, to z faktu że nie cierpi (łagodnie powiedziane) Niemców nie wynika, że to nacjonalista. Wynika tylko, że Niemcom się to należy, od całego Świata zresztą.

ZOSTAW ODPOWIEDŹ

Please enter your comment!
Please enter your name here

Najczęściej czytane w tym tygodniu: